Gəncə sakinindən külli miqdarda narkotik maddə və silah-sursat götürülüb

Gəncə sakinindən külli miqdarda narkotik maddə və silah-sursat götürülüb
20:37 16 May 2019
61 Digər
Ölkə mətbuatı
A- A+

Gəncə Şəhər Baş Polis İdarəsinin əməkdaşlarının keçirdikləri uğurlu əməliyyat tədbirləri nəticəsində külli miqdarda narkotik vasitə aşkar edilərək qanunsuz dövriyyədən çıxarılıb.
DİN-in Mətbuat Xidmətinin Gəncə Regional qrupundan "Report"un Qərb Mərkəzinə verilən məlumata görə, mayın 15-də keçirilən əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən, şəhər sakini, 45 yaşlı Mehman İbrahimov saxlanılaraq Gəncə Şəhər Baş Polis İdarəsinə gətirilib. 
Onun üzərinə qanunvericiliklə müəyyən edilmiş qaydada baxış keçirilən zaman 286 həb sayında və ümumi çəkisi 178.5 qram narkotik vasitə hesab edilən “Metodan” və bir ədəd soyuq silaha bənzər turist bıçaq olması müəyyən edilib. 
Davam edən tədbirlərlə onun yaşadığı evin həyətindəki meyvə ağacının dibinə basdırılmış ümumi çəkisi 140 qram çəkidə narkotik vasitə hesab edilən “heroin”, digər ağacın dibində isə basdırılmış 1 ədəd “Makarov” tipli tapança və ona məxsus patron darağı və 2 ədəd patron, yataq otağının mebel dəstində isə 12 qram çəkidə “metafetamin”nə oxşar psixotrop maddə aşkar olunaraq götürülüb.
Faktla bağlı araşdırmalar davam etdirilir.


Xəbərin orijinal ünvanı: https://report.az/hadise/gence-sakininden-kulli-miqdarda-narkotik-madde-ve-silah-sursat-goturulub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR