İsrailli gimnast: Bakıda Avropa Çempionatının açılış mərasimi gözəl və baxımlı idi

İsrailli gimnast: Bakıda Avropa Çempionatının açılış mərasimi gözəl və baxımlı idi
00:50 17 May 2019
71 İdman
Ölkə mətbuatı
A- A+

Bakı. Cani Babayeva - Trend:

Bakıda keçirilən bədii gimnastika üzrə 35-ci Avropa Çempionatının açılış mərasimi çox xoşuma gəldi. Bunu Trend-ə İsrailli gimnast Mişel Mixailts deyib.

M.Mixailts bildirib: "Mən Bakıya üçüncü dəfədir gəlirən, burada olmağı çox sevirəm. Bakıda həmişə təşkilat gözəl olur - böyük və rahat zal, çox sayda xalça var. Bizim üçün bütün şərait yaradılıb, hər şey çox rahatdır".

Gimnast qeyd edib ki, açılış mərasimi onun çox xoşuna gəlib: "Açılış mərasimi çox gözəl və baxımlı idi".

Öz komandasının çıxışını şərh edərkən gimnast bildirib ki, səhvlərə yol verilib: "Çıxış zamanı əşyanın itirilməsi baş verib. Əlbəttə, bu yaxşı deyil. Şənbə günü biz 5 lentlə hərəkətlərdə çıxış edəcəyik, ümid edirəm ki, yaxşı nəticə göstərəcəyik".

Qeyd edək ki, bu gün Bakıda Milli Gimnastika Arenasında bədii gimnastika üzrə 35-ci Avropa Çempionatı start götürüb.

16-19 may tarixlərində keçiriləcək bu çempionatda fərdi proqramda böyük gimnastlar, qrup hərəkətləri proqramında isə gənc komandalar çıxış edəcəklər.

Yarışların ilk gününə gənclərdən ibarət qrup hərəkətləri komandalarının çıxışları ilə başlanılacaq. 17 may tarixində isə yalnız böyük gimnastlar xalça üzərində öz güclərini sınayacaqlar. Çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları açıqlanacaq. Və turnirin son günü ayrı-ayrı alətlər üzrə Avropanın ən yaxşı gimnastlarının adları məlum olacaq.

Çempionatda 35 ölkədən gimnastların iştirakı gözlənilir.

Azərbaycanı Avropa çempionatında yeniyetmələr arasında Nəzrin Cəfərzadə, Eleonora Yusifova, Ləman Əlimuradova, Fəridə Səfiyarzadə, Mədinə Əsədova, Selcan Hacızadə, Milana Əkbərovadan ibarət komanda təmsil edir.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3063290.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR