"Qəbələ"nin məşqçisi: "Kuboku Tale Heydərova həsr edirik"

"Qəbələ"nin məşqçisi: "Kuboku Tale Heydərova həsr edirik"
20:02 19 May 2019
133 Digər
Ölkə mətbuatı
A- A+

Azərbaycan Kubokunun final qarşılaşmasında “Sumqayıt” üzərində 1:0 hesablı qələbə qazanaraq Avropa Liqasına vəsiqəni də təmin edən “Qəbələ”nin məşqçisi Zaur Həşimov mətbuat konfransı keçirib.
"Report"un Naxçıvana ezam olunmuş əməkdaşının verdiyi məlumata görə, gənc mütəxəssis əvvəlcə oyun haqqında fikirlərini bölüşüb.
- Sevinirik ki, neçə illik həsrətə son qoyduq. Kuboku Tale Heydərova həsr edirik. Uşaqlar məsuliyyəti dərk etdilər və məqsədlərimizi həyata keçirdilər. İqlim elə idi ki, boğulmalar olurdu. Söhbət hər iki komandadan gedir. Qəbələ camiəsini bu tarixi qələbə münasibəti ilə təbrik edirəm.
Qol erkən gəldi. Ancaq bundan sonra daha çox müdafiədən oynadınız…
- Oyunun sonlarında geri çəkildik. Rəqib bizi müdafiəyə çəkilməyə vadar etdi.
Fasilədə nəyi müzzakirə etdiniz?
- On dəqiqə ərzində kəlmə də kəsmədik. Boğulmalara görə ancaq su içirdilər. Əsas tapşırıq isə o oldu ki, son 45 dəqiqə həyati önəm kəsb edir.
Avroliqa planları necədi?
- Hələ ki, heç bir plan tərtib olunmayıb.
Kubokun qazanılması pozitiv dəyişikliyə təsir edə bilərmi?
- Birmənalı şəkildə Kubokun qazanılması pozitiv dəyişikliyə təsir edə bilər! Buna böyük ümidimiz var.

***19:43
Azərbaycan Kubokunun final qarşılaşmasında “Qəbələ”yə 0:1 məğlub olaraq titul qazanmaq şansını qaçıran “Sumqayıt”ın baş məşqçisi Ayxan Abbasov mətbuat konfransı keçirib.
"Report"un Naxçıvana ezam olunmuş müxbiri xəbər verir ki, gənc mütəxəssis əvvəlcə oyun haqqında fikirlərini bölüşüb.
- Finalın mahiyyətini dərk edirdik. Həftəboyu çalışdım uşaqlar soyuqqanlı olsunlar. Təəssüf ki, ilk 15 dəqiqədə həyəcanlı idik. Qol buraxdıqdan sonra toparlanmağa çalışdıq. Nələrəsə nail olmaq istəyirdik. “Sumqayıt”ın finalda oynaması özü bir uğur idi. Avropaya getmək üçün daha çox iş görmək lazımdı. Yaxın günlərdə klub rəhbərliyi ilə görüşəcəm və hər şeyə aydınlıq gələcək.
Komandanızdakı inamsızlıq nədən qaynaqlanırdı?
- Futbolçularımızın əksəriyyəti təcrübəsiz idi. Final həyəcanı ən adlı-sanlı klublarda olur. Təəssüf ki, bacarmadıq.
Qeyd etdiniz ki, gedə də bilərsiniz. Hansı ehtimal daha yüksəkdi, getmək, yoxsa qalmaq?
- Yəqin ki, gedəcəyəm.
“Qəbələ” Kuboku haqq etdimi?
- Final tək oyundu. “Qəbələ” də Kuboku qazanmaq istəyirdi, biz də. Desəm ki, layiq deyildilər, ədalətsizlik olar.



Xəbərin orijinal ünvanı: https://report.az/futbol/qebele-nin-mesqcisi-kuboku-tale-heyderova-hesr-edirik

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR