Azərbaycan, Bakı, 15 yanvar /Trend/
Gümrüdəki qətl hadisəsi ilə əlaqədar onlarla insan Ermənistan Prezidenti Administrasiyasının binası qarşısında etiraz aksiyası keçirirlər.
Trend-in cümə axşamı Ermənistan KİV-ə istinadən verdiyi məlumata əsasən, aksiyada məqsəd gümrülülərlə həmrəylik nümayiş etdirməkdir.
Qeyd edək ki, Ermənistanın Gümrü şəhərində 6 nəfərdən ibarət ailə amansızcasına qətlə yetirilib. Qətli Rusiya bazasının hərbi qulluqçusu Valeri Pavloviç Permyakov törədib.
Aksiya iştirakçıları "Ermənistanda cəza" şüarları səsləndirirlər.
Məqalə müəllifi ilə əlaqə ünvanı: agency@trend.az
