Gözlərin səyirməsi nə deməkdir?

Gözlərin səyirməsi nə deməkdir?
20:57 25 May 2019
128 Maraqlı
Ölkə mətbuatı
A- A+

Bir çox insanlar göz səyirməsinin nə olduğunu bilir. Gözlərin səyirməsi qəfil başlayır. Televizora baxarkən, kitab oxuyarkən, yemək hazırlayarkən gözlər qəfildən səyirə bilir. Bu zaman insan üst göz qapağında və ya gözlərin yan hissəsində əzələ spazmı və sinir atmaları hiss edir. Gözlərin səyirməsi həyat üçün təhlükəli sayılmır, amma sağlamlıqla əlaqədar ciddi problem olduğunun əlaməti hesab edilir. Həm də bu hiss insanı qıcıqlandıraraq onu narahat edir.
Elm göz səyirməsini "təkrarlanan, nəzarət edilə bilinməyən, göz qapağı spazmı və adətən üst göz qapaqlarında meydana çıxan" əlamət adlandırır. Milli.Az immunitet.az-a istinadən bildirir ki, bu əzələ spazmı bir və ya iki gözdə meydana çıxaraq bir neçə saniyədən, bir neçə dəqiqəyə qədər uzana bilir. Nadir hallarda isə günlərlə davam edən göz səyirmələrinə rast gəlmək mümkün olur. Göz səyirmələri adətən öz-özünə keçib gedən bir əlamətdir.
Göz səyirmələri nələrə səbəb ola bilir?
Göz səriyməsinin hansı səbəblərdən meydana çıxdığı aydınlaşdırılmayıb. Adətən bunun stress və yorğunluq, kofein çatışmazlığı, siqaret və içki qəbulu səbəbindən baş verdiyi qeyd edilir. Bəzin isə gözlərdə quruluğun artması, gözlərin həddindən çox yorğun olması, allergik reaksiyaların göz və göz membranının qıcıqlanması səbəbindən də səyirmələr baş verə bilir. Bəzən isə göz səyirməsi məlum olmayan səbəblərdən də meydana çıxır. Bir sözlə göz səyirməsi zərərsiz, ziyansızdır və insan həyatı üçün təhlükə törətmir.
Bəzi hallarda gözlərin səyirməsi nevroloji narahatçılıqlardan da meydana çıxa bilir(blefarospazm və üst göz qapaqlarının spazmı). Blefarospazm kişilərdən çox qadınlar üçün xarakterik sayılır. Buna orta yaşlı qadınlar arasında daha çox rast gəlinir. Təkcə Amerikada bir il ərzində 2000 yeni adam göz səyirməsi şikayətindən həkimə müraciət edir. Bu əlamət təhlükəli hesab olunmasa da vəziyyət pisləşdikdə insanda işığa qarşı həssaslıq, tor görmə, üz əzələlərində səyirmə müşahidə edilə bilir. Ən ağır halda üst göz qapağı bir neçə saat qapalı qala bilir.
Əgər sizdə göz səyirməsi ilə əlaqədar əlamətlər baş verərsə mütləq oftolmoloqa müraciət edin. Aşağıdakı hallarda həkimə müraciət etmək vacib sayılır:
- Əgər sizin gözünüzdə meydana çıxan spazm bir həftədən çox müddətə qədər davam edərsə
- Əgər spazm tamamilə gözün örtülməsinə səbəb olarsa
- Əgər spazm bütün üz əzələlərinə təsir edərsə
- Əgər göz qızararsa, gözdə şişkinlik meydana çıxarsa və gözlərdən axıntı gələrsə
- Əgər üst göz qapağı sallanmağa başlayarsa.
İstənilən nevroloji narahatçılıq həkimlə təcili görüşməyin vaxtı çatdığını deyir. Əgər göz səyirməsinin əlaməti nevroloji əlamətlər olarsa, o zaman vaxt itirmədən nevroloqa müraciət etmək lazımdır. Bu zaman həkim sizin yuxunuzu normallaşdıracaq, stress əlamətlərini aradan qaldıracaq, kofeinin normallaşmasını bərpa edəcək. Göz səyirməsi zamanı isti və soyuq kompresslər əzələləri rahatlaşdırır. Bəzi hallarda iynə müalicəsi və massaj məsləhət görülür. Bu müalicə üsulları səyirmə əlamətlərinin azalmasına və diskomfortun aradan qalxmasına səbəb olur.
Milli.Az


Xəbərin orijinal ünvanı: https://news.milli.az/interest/755786.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR