Erməni işğalı Şuşada xalçaçılıq ənənələrini məhv edib (VİDEO)

Erməni işğalı Şuşada xalçaçılıq ənənələrini məhv edib (VİDEO)
01:43 26 May 2019
133 Ölkə
Ölkə mətbuatı
A- A+

Bakı. Trend:

Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyi işğal edilmiş ərazilərimizdə məhv edilən tarixi, mədəni irsimizin vəziyyəti və təbliği ilə bağlı kampaniyanın növbəti hissəsini Qarabağ xalçalarına həsr edib.

Trend-in məlumatına görə, icma bununla bağlı sosial medianın tələblərinə uyğun olaraq ingilis dilində videoçarx hazırlayıb.

BMT, ATƏT və bu qurumun Minsk qrupuna daxil olan dövlətlərin, o cümlədən Avropa İttifaqının bir sıra proqramlarının sosial şəbəkələrdə mövcud olan rəsmi hesablarına, mail ünvanlarına göndərilən videoçarxda diqqət Qarabağda vaxtı ilə mövcud olmuş xalçaçılıq ənənələrinə yönəldilib.

Qeyd edilib ki, Azərbaycanın Dağlıq Qarabağ bölgəsinin xalçaları öz rəngarəngliyi və ornametləri ilə seçilib. Videoda xüusi ilə vurğulanıb:

"Qarabağ xalçaları məhz bu xüsusiyyətinə görə Qafqazda şöhrət qazanıb. Məşhur Brockhaus Efron ensiklopediyası 1904-cü ildə yazırdı ki, Şuşa şəhəri bütün Qafqazda xalçaçılıq mərkəzi kimi tanınır. Şuşalı xalçaçılar 1867-ci ildə məşhur Paris, 1872-ci ildə isə Moskva sərgilərində mükafatlara layiq görülüblər. 18-ci əsrdə Şuşada toxunmuş xalça bu gün də Bostonun İncəsənət Muzeyində ən qiymətli eksponatlar sırasındadır.

Bu bir daha Qarabağda xalçaçılığın qədim ənənələrinin olmasını təsdiqləyir. Video çarxda daha sonra Şuşada mövcud olmuş Xalça Muzeyi və onun ermənilər tərəfindən dağıdılması ilə bağlı məlumatlar yer alıb.

18-ci əsrdə Şuşada yaradılmış və general Səməd bəy Mehmandarovun mülkündə yerləşən Şuşa Xalça Muzeyi öz zəngin eksponatları ilə məşhur idi. Təəssüf ki, erməni işğalı xalçaçılıq ənənələrimizə son qoymaqla yanaşı, bu eksponatların bir hissəsinin dağıdılmasına və oğurlanmasına səbəb oldu. Bu gün Şuşa Xalça Muzeyi Bakıda Azərbaycan Xalça Muzeyinin daxilində fəaliyyət göstərir”.

Qeyd edək ki, icmanın beynəlxalq təşkilatlara ünvanladığı əvvəlki video çarxlar Üzeyir Hacıbəylinin, Xurşidbanu Natəvanın, Bülbülün güllələnmiş abidələrinə, Qarabağda qədim musiqi və şahmat ənənələrinə həsr olunub.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3067971.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR