Tramp Yaponiyanın yeni imperatorunun qəbul etdiyi ilk dövlət başçısı oldu

Tramp Yaponiyanın yeni imperatorunun qəbul etdiyi ilk dövlət başçısı oldu
06:44 27 May 2019
87 Digər
Ölkə mətbuatı
A- A+

Yaponiyanın yeni imperatoru Naruhito ABŞ prezidenti Donald Trampı özünün Tokiodakı sarayında qəbul edib.

 

ONA xəbər verir ki, bu barədə “NHK” telekanalı məlumat yayıb.

 

Məlumata görə, Tramp yeni imperatorun qəbul etdiyi ilk ölkə lideridir. ABŞ prezidentini və onun xanımı Melaniyanı imperator Naruhito və imperatriça Masako digər dövlət xadimləri ilə birgə qarşılayıb.

 

Saraya daxil olmazdan öncə D.Trampı və onun xanımını fəxri qarovul dəstələri qarşılayıb. Daha sonra hər iki ölkənin himnləri səsləndirilib. ABŞ lideri və xanımı bundan sonra imperatorun adətən qonaqları qəbul etdiyi “Bambuk zal”a daxil olub.

 

İmperatorun qəbulunun ardınca Tramp Yaponiyanın baş naziri Sindzo Abe ilə görüşüb. Bildirilir ki, tərəflər iki ölkə arasındakı ticarət əlaqələrini və eləcə də Koreya yarımadası ilə bağlı məsələləri müzakirə edib.


Xəbərin orijinal ünvanı: http://news.lent.az/news/315795

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR