Azərbaycan Kənd Təsərrüfatı naziri Tuluzada bir sıra görüşlər keçirib

Azərbaycan Kənd Təsərrüfatı naziri Tuluzada bir sıra görüşlər keçirib
12:37 27 May 2019
72 Digər
Ölkə mətbuatı
A- A+

Fransanın Oksitani regionuna işgüzar səfəri çərçivəsində Azərbaycan kənd təsərrüfatı naziri İnam Kərimov Tuluza Milli Aqrar Ali Məktəbinin (ENSAT) direktoru Qreqori Döşam-Giyom, Elmi Tədqiqatlar Mərkəzinin (İNRA) Fransa üzrə milli əlaqələndiricisi Silvən Labbe və Tuluza III Paul Sabatier Universitetinin rektoru Jan-Pyer Vinel ilə görüşüb.
Bu barədə “Report”a Kənd Təsərrüfatı Nazirliyindən bildirilib.
Görüşlərdə Prezident İlham Əliyevin rəhbərliyi ilə Azərbaycanda aqrar sahənin inkişafı istiqamətində görülən işlər barədə ətraflı məlumat verilib.
 İnam Kərimov Azərbaycanda kənd təsərrüfatının inkişafının prioritet istiqamətlərindən söz açaraq, bu sahədə mövcud təhsil və elmi-tədqiqat mərkəzlərinin, Azərbaycan Dövlət Aqrar Universitetinin fəaliyyətindən danışıb, tədqiqat sahəsində qarşıda duran vəzifələr və bu sahənin daha da inkişaf etdirilməsi məsələlərinə toxunub.
ENSAT-ın, İNRA-nın və Tuluza III Paul Sabatier Universitetinin rəhbərləri tədris və tədqiqat mərkəzlərinin proqramlarından bəhs ediblər.
Görüşlərdə ikitərəfli əməkdaşlıq sahələrinin müəyyənləşdirilməsi, hər iki ölkənin aqrar sahədəki təhsil ocaqları və elmi-tədqiqat mərkəzlərinin müəllim və tədqiqatçılarının qarşılıqlı səfərlərinin təşkili, ikili diplomların verilməsi məsələləri müzakirə olunub. Kənd təsərrüfatı sahəsində birgə elmi tədqiqatların həyata keçirilməsinə dair fikir mübadiləsi aparılıb.
Nazir səfər çərçivəsində Oksitani regionunun kənd təsərrüfatı və aqrar təhsil üzrə vitse-prezidenti, Ticarət və Kənd Təsərrüfatı palatasının rəhbərliyi və bu regionun iş adamları ilə də görüşlər keçirib.



Xəbərin orijinal ünvanı: https://report.az/ask/i-nam-kerimov-tuluza-seherinde-bir-sira-gorusler-kecirib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR