ADRA-da tələbələr üçün yeni iş imkanı yaradılıb (FOTO)

ADRA-da tələbələr üçün yeni iş imkanı yaradılıb (FOTO)
15:01 27 May 2019
97 Ölkə
Ölkə mətbuatı
A- A+

Bakı. Trend:

Azərbaycan Diplomatik Akademiyası (ADA), o cümlədən Bakı Mühəndislik Universitetlərinin İnformasiya Texnologiyaları (İT) və Mühəndislik ixtisasları üzrə təhsil alan 3-cü və 4-cü kurs, eləcə də magistr tələbələri Azərbaycan Respublikasının Dövlət Reklam Agentliyində (ADRA) işlə təmin olunmaq şansı qazanıblar.

Agentlikdən Trend-ə verilən məlumata görə, quruma müraciət edən tələbələr arasından seçilən 11 nəfər ADRA-nın 3 aylıq təcrübə proqramına cəlb edilib.

Proqramda uğurlu nəticə göstərənlər agentliyin əməkdaşına çevriləcək.

Təcrübə proqramının təqdimatı ilə bağlı keçirilən tədbirdə tələbələrə agentliyin fəaliyyəti və strukturu barədə ətraflı məlumat verilib, onları maraqlandıran suallar cavablandırılıb.

Proqrama cəlb edilən tələbələrlə 3 aylıq əmək müqaviləsi imzalandıqdan sonra ADRA-nın direktor müavini Orxan Əliyev iştirakçılara uğurlar arzulayıb. O, gənclərə Agentliyin yeni ideya və təşəbbüslərə açıq olduğunu bildirərək, onlara bu yöndə aktivlik nümayiş etdirməyi tövsiyə edib.

Gələcəkdə bu cür təcrübə proqramlarının davam etdiriləcəyi vurğulanıb.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3068633.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR