Osakada G20 ölkələri liderlərinin sammitini 25 minədək polis qoruyacaq

Osakada G20 ölkələri liderlərinin sammitini 25 minədək polis qoruyacaq
15:17 15 İyun 2019
115 Dünya
Ölkə mətbuatı
A- A+

İyunun 28-29-da Osakada keçiriləcək G20 ölkələri liderlərinin sammiti zamanı təhlükəsizliyi təmin etmək və ictimai asayişi qorumaq üçün 25 mindən çox polis cəlb ediləcək.

Bu barədə iyunun 14-də Osaka polis bölmələrinə təntənəli baxış zamanı bəyan edilib.

Milli.Az AZƏRTAC-a istinadən bildirir ki, Hazırda Yaponiyanın hər yerindən xüsusi təyinatlı qüvvələr də daxil olmaqla, polislər Osakaya toplanır. Onlar sammitin keçiriləcəyi obyektləri və liderlərin rezidensiyaları ilə yanaşı, açıq əraziləri və nəqliyyatın hərəkətini də nəzarətdə saxlayacaqlar. Sammit zamanı, ərazidə nəqliyyatın hərəkəti ilə bağlı ciddi məhdudiyyətlərin tətbiq ediləcəyi gözlənilir.

Təşkilatçıların hesablamalarına görə, G20 liderlərinin sammiti zamanı Osakaya nümayəndə heyətlərinin üzvləri və jurnalistlər daxil olmaqla təqribən 30 min nəfərin gələcəyi gözlənilir.

Təqribən 2,7 milyon sakini olan Osaka Tokio və Yokhamadan sonra Yaponiyanın əhalinin sayına görə üçüncü böyük şəhəridir.

Milli.Az


Xəbərin orijinal ünvanı: https://news.milli.az/world/763408.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR