“Windows 10” sisteminin bazar payı 50%-ə yaxınlaşır

“Windows 10” sisteminin bazar payı 50%-ə yaxınlaşır
10:35 18 İyun 2019
Ölkə mətbuatı
A- A+

“NetMarketShare” servisinin məlumatına görə, 2019-cu ilin mayında dünyadakı fərdi kompüterlərin 45,73%-i “Windows 10” sisteminin idarəetməsi altında işləyib ki, bu da ötən illə müqayisədə 1% çoxdur.

 

“ICTnews” Elektron Xəbər Xidməti “dailycomm.ru” saytına istinadən yazır ki, “Windows 7” sisteminin bazar payı 1 ay ərzində 36,43%-dən 35,44%-dək azalıb, 3,97% göstəriciyə malik “Windows 8.1” platforması isə üçüncü yeri tutub.

 

2020-ci ilin yanvarında “Windows 7” sisteminin dəstəklənməsi dayandırılır və “Microsoft” korporasiyası istifadəçilərə 900 milyon qurğuya quraşdırılmış “Windows 10” sisteminə keçid haqqında bildirişlər göndərməyə davam edir.

 

“Microsoft”un məlumatına görə, “Windows” sisteminin idarəetməsi altında işləyən kompüterlərdən istifadə edən şirkətlərin 66%-i 1 il ərzində və ya daha tez müddətdə “Windows 10” sistemində istifadə etməyə başlayacaq. 2019-cu ilin sonunadək nəhəng şirkətlərin 85%-i “Windows 10” sistemindən istifadəyə başlayacaq.

 

Kibertəhlükəsizlik texnologiyaları üzrə ixtisaslaşmış “Duo Security” şirkətinin məlumatına görə, biznes sektoru tədricən “Windows 7” platformasından imtina edir. 2018-ci ildə korporativ seqmentdə “Windows 10” sisteminin bazar payı 48%-dək yüksəlib, halbuki 1 il əvvəl bu göstərici 27% idi.

 

Emil Hüseynov


Xəbərin orijinal ünvanı: http://ictnews.az/read-61345-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR