Nazir: “Xərclərin təyinatının dəyişdirilməsi hesabına biz bu məsələlərin həllinə tam nail olmuşuq”

Nazir: “Xərclərin təyinatının dəyişdirilməsi hesabına biz bu məsələlərin həllinə tam nail olmuşuq”
00:32 20 İyun 2019
94 Digər
Ölkə mətbuatı
A- A+

“Bu dövlət üçün maliyyə yüküdür və bu dövlət büdcəsində öz əksini tapıb. Xərclərin təyinatının dəyişdirilməsi hesabına biz bu məsələlərin həllinə tam nail olmuşuq. Ona görə də burada əlavə hər hansı vəsaitə müraciət etməmişik”.
“Report” xəbər verir ki, bunu Azərbaycan Maliyyə naziri Samir Şərifov AzTV-də yayımlanan “Günün Nəbzi” proqramında artırılan sosial müavinət və əməkhaqqlarınin dövlət büdcəsinə mümkün təsirini şərh edərkən deyib.
S.Şərifov deyib ki, 10 min dollara qədər kredit borcu olan vətəndaşların vəsaitlərinin qaytarılması üçün atılan addımlar bank sisteminin sağlamlaşdırılması üçün əhəmiyyət kəsb edib:
“Hansı ki, bir çox banklar bu kreditləri problemli kredit kimi göstərirdilər. Problemli kredit olduğuna görə də bu onların kapitallarına mənfi təsir göstərirdi və kapital adekvatlıq əmsallarının aşağı enməsinə gətirib çıxarırdı. Bu isə onun yenidən bərpa olunmasına və bir çox bankların maliyyə durumunun qısa müddət ərzində müsbətə doğru dəyişməsinə gətirib çıxarıb”.
Nazir eyd edib ki, ölkə başçısının sosial sahədəki sərəncamları özəl sektorun da inkişafına müsbət təsir edir:
“Vergi Məcəlləsində edilən dəyişikliklər inqilabi addım idi. Hansı ki, qeyri-dövlət sektorunda çalışan və gəlirləri 8000 min manata qıdır olan şəxsləri gəlir vergisindən azad edirdi. Bu dövlət büdcəsi gəlirlərini azaldan amil idi. Məqsəd o idi ki, kölgədə fəaliyyət göstərən sahibkarlar şəffaflaşsın. Biz indi bu tədbiri görməklə yanaşı minimum əmək haqqını artırırıq. Sahibkarlara deyirik ki, biz sizə bu güzəşti etmişik, indi siz də çalışın ki, işçilərinizə daha yüksək əməkhaqqı verin. Öz işçilərinizə bu məbləğdən az maaş ödəyə bilməzsiz”.


Xəbərin orijinal ünvanı: https://report.az/maliyye/nazir-xerclerin-teyinatinin-deyisdirilmesi-hesabina-biz-bu-meselelerin-helline-tam-nail-olmusuq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR