Azərbaycan Səudiyyə Ərəbistanı ilə humanitar proqramların həyata keçirilməsini müzakirə edib

Azərbaycan Səudiyyə Ərəbistanı ilə humanitar proqramların həyata keçirilməsini müzakirə edib
10:47 20 İyun 2019
72 Digər
Ölkə mətbuatı
A- A+

Azərbaycanın Səudiyyə Ərəbistanındakı səfiri Şahin Abdullayev Kral Salman Humanitar Yardım və Humanitar Əməliyyatlar Mərkəzinin (KSRelief) rəhbərlərindən biri olan Abdullah əl-Rəbiyə ilə görüşərək mərkəzin Azərbaycanda həyata keçirdiyi proqramlarla bağlı müzakirə aparıb.
"Report" "ArabNews"a istinadən xəbər verir ki, səfir "KSRelief" tərəfindən görülən işlərdə peşəkarlıq səviyyəsini yüksək qiymətləndirib.
Bildirilib ki, son illərdə Səudiyyə Ərəbistanı Azərbaycanda bir sıra humanitar layihələrin həyata keçirilməsi, o cümlədən mənzil, humanitar logistika, təhsilin dəstəklənməsi və su təchizatı sisteminin və sanitar sistemin bərpası üçün 100 milyon dollardan çox vəsait ayırıb.
Qeyd edək ki, Səudiyyə Ərəbistanı Dağlıq Qarabağ münaqişəsindən əziyyət çəkən Azərbaycana aktiv humanitar yardım göstərən ilk ölkələrdən biri olub. Belə ki, 1994-cü ildən bəri beş il ərzində Krallıq qaçqınları daima qida, tibbi preparatalar və digər ilkin zərurət məhsulları ilə təchiz edib.


Xəbərin orijinal ünvanı: https://report.az/xarici-siyaset/azerbaycan-seudiyye-erebistani-ile-humanitar-proqrami-muzakire-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR