Qardaşını gəzintiyə aparmadılar, məzunu bıçaqladı

Qardaşını gəzintiyə aparmadılar, məzunu bıçaqladı
14:47 20 İyun 2019
81 Ölkə
Ölkə mətbuatı
A- A+

Kürdəmir rayonunda orta məktəblərdən birinin məzunu bıçaqlanıb.

Milli.Az bildirir ki, bu barədə oxu.az-a Kürdəmir Rayon Polis İdarəsindən məlumat verilib.

İyunun 19-da axşam saat 17 radələrində 18 yaşlı Yenikənd kənd sakini Mehdiyev Saməddin Natiq oğlunun qarın və bud nayihəsinə iki bıçaq zərbəsi endirilib. Cinayətkar hadisəni törətdikdən sonra qaçıb.

Hadisədə zərərçəkənin həmkəndlisi 23 yaşlı Nəsirov Samir Mahir oğlu (foto aşağıda - red.) şübhəli bilinir. İyunun 20-nə keçən gecə rayonun cinayət-axtarış şöbəsinin əməliyyatçıları onu saxlayıblar.

İlkin dindirilmə zamanı S.Nəsirov zərərçəkənlə arasında yaranmış münaqişənin səbəbini açıqlayıb. Onun bildirdiyinə görə, məzun olan kiçik qardaşının sinif yoldaşları qardaşını "Son zəng" münasibətilə təşkil olunan kollektiv gəzintiyə aparmaqdan imtina edib.

Sinif yoldaşları S.Nəsirovun qardaşından pul alaraq "piknik"ə hazırlaşıb. Bundan xəbər tutan S.Nəsirov S.Mehdiyevlə görüşərək ona öz iradını bildirib. Söhbət əsnasında gərginlik yaranıb və S.Nəsirov bıçağa əl ataraq S.Mehdiyevə iki bıçaq zərbəsi endirib.

Zərərçəkən hazırda xəstəxanada ağır vəziyyətdədir.

Faktla bağlı CM-nin 126.1-ci maddəsi ilə cinayət işi başlanılıb.

Milli.Az


Xəbərin orijinal ünvanı: https://news.milli.az/crime/764725.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR