Ən böyük nemət hansıdır?

Ən böyük nemət hansıdır?
23:12 20 İyun 2019
Ölkə mətbuatı
A- A+

Bəzilərinin nəzərinə görə, ən böyük nemət - sərvət, məqam, rifah, qüdrətdir. Ancaq əslində ən böyük nemət odur ki, insan İlahi hədəfinə çata bilsin.

O kəsin ki, çoxlu nemətləri olar, ancaq hədəfinə çatmazsa - o kəsə bənzəyir ki, çoxlu maşınları vardır, ancaq özü küçədə taksi axtarır.

Milli.Az deyerler.org-a istinadən bildirir ki, bu səbəbdən deyə bilərik ki, ən böyük nemət - İlahi hidayət, mərifət, kamil itaət, daxili həvəslərdən nicat tapmaq, Məsumlar (ə) kimi rəhbərlərə malik olmaqdır.

Qurani-Kərim buyurur: "Bu gün dininizi sizin üçün kamilləşdirdim, sizə Öz nemətimi tamamladım və (möhkəm və sabit)bir din kimi sizin üçün İslamı qəbul etdim". ("Maidə" 3).

Yəni, Peyğəmbərimizin (s) gəlişi və Quranın nazil olması ilə Allahın neməti və hədəfi insanlara aydın oldu. Hər kim bu hədəfə doğru gedərsə, dini kamil olar.

İmam Rza (ə) buyurur: "Nemət deyildikdə, məqsəd - biz Əhli-Beytin (ə) vilayətidir. İstər rifahda və həyatda olsun, ya acılıqda və şəhadətdə".

Bu səbəbdəndir ki, İmam Həsənin (ə) 13 yaşlı oğlu əmisinə deyir: "Ölüm mənim üçün baldan da şirindir. Çünki haqqı tanımışam və rəhbərim Məsum İmamdır. Hədəfim zülmlə mübarizə aparmaqdır. Allahla canımla ticarət edərəm".

Milli.Az


Xəbərin orijinal ünvanı: https://news.milli.az/interest/763895.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR