Bu il Azərbaycan 3 beynəlxalq turizm sərgisində iştirak edəcək.
Mədəniyyət və Turizm Nazirliyi 22 - 25 yanvar tarixlərində Türkiyənin İstanbul şəhərində keçiriləcək "EMİTT 2015", 23 - 25 yanvar tarixlərində ABŞ-ın Nyu-York şəhərində keçiriləcək "The New York Times Travel Show 2015" və 28 yanvar - 1 fevral tarixlərində İspaniyanın Madrid şəhərində keçiriləcək "FİTUR 2015" beynəlxalq turizm sərgilərində iştirak edəcək.
Qurumdan Trend-ə verilən məlumata görə, qeyd olunan sərgilərdə nazirliklə yanaşı, ümumilikdə 22 turizm şirkəti və 5 mehmanxana təmsil olunacaq.
Məlumat üçün qeyd etmək yerinə düşər ki, İstanbul şəhərində keçiriləcək "EMİTT 2015" sərgisi Nazirliyin 2015-ci ildə iştirak edəcəyi ilk beynəlxalq turizm sərgisidir.
Milli.Az
Milli.Az