Renault Megane Trophy-R modelini məhdud sayda buraxacaq - FOTO

Renault Megane Trophy-R modelini məhdud sayda buraxacaq - FOTO
22:05 11 İyul 2019
Ölkə mətbuatı
A- A+

Renault şirkəti ümumi yollar üçün sertifikatlaşdırılımış Megane RS Trophy-R trek hetçbekinin məhdud saylı partiyasını buraxacağını elan edib. Bundan başqa, fransız istehsalçısı modelin dinamik xarakteristikaları barədə məlumatı da dərc edib.

Milli.Az autograph.az-a istinadən bildirir ki, Renault Megane RS Trophy-R 300 at qüvvəsi və 470 Nm fırlanma anı hasil edən 1,8-litrlik turbomühərrik ilə təchiz edilir. Model 100 km/saat həddinə 5,4 saniyəyı sürətlənir və 262 km/saat maksimal sürət həddinə malikdir. Bununla belə, Trophy-R arxa divan və klimatik sistemdən imtina sayəsində Trophy hetçbekindən 130 kiloqram yüngüldür. Avtomobil gücləndirilmiş əyləc mexanizmləri və daha sərt yayları olan yarış asqısı ilə təchiz edilir.

Renault Megane RS Trophy-R modelinin satışlarına bu ilin sonunda başalanacaqdır. Trek hetçbeki 500 nüsxəlik məhdud saylı tirajla buraxılacaqdır. Bu avtomobilləridən 30 nesxəsi Böyük Britaniyada satılacaq sağsükanlı versiyada olacaqdır. Megane RS Trophy-R modeli Renault Sport, Akrapoviç, Brembo, Bridgestone, Öhlins və Sabelt firmaları ilə birlikdə hazırlanıb.

Renault Megane RS TRophy-R trek hetçbekinin yeni nəsli Nürburqrinq trekini 7 dəqiqə 40,100 saniyəyə qət edib və Honda Civic Type R modelinin nəticəsini dörd saniyə yaxşılaşdırıb.

Milli.Az


Xəbərin orijinal ünvanı: https://news.milli.az/interest/769852.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR