Türkiyənin sabiq prezidenti Əhməd Kənan Evrən vəfat edib.
Anspress-in məlumatına görə, Türkiyədə hərbi çevrilişlə hakimiyyətə gələrək 7-ci prezidenti olmuş Kənan Evrən dünyasını dəyişib. Bu barədə yerli mətbuat xəbər yayıb.
Xəbərdə bildirilir ki, 98 yaşlı sabiq prezident müalicə aldığı Ankara Gülhanə Tibb Akademiyasında mayın 9-da əbədi olaraq gözlərini yumub.
Qeyd edək ki, Kənan Evrən Türkiyə Respublikasının 7-ci prezidenti və 17-ci Baş Qərargah rəisi, Osmanlı İmperiyasında doğulmuş sonuncu prezident kimi tanınır. O, 1980-ci il 12 sentyabr hərbi çevrilişi yolu ilə hakimiyyətə gəlib, 1982-ci ildə yeni konstitusiyanın qəbul edilməsindən sonra rəsmi olaraq prezident seçilib.
Milli.Az
