Bakı. 10 may. REPORT.AZ/ İyunun 5-nə Bakı-Sumqayıt dəmir yolu xətti istifadəyə veriləcək və gətirələcək yeni qatarlar həmin xəttə buraxılacaq. Bunu “Azərbaycan Dəmir Yolları" Qapalı Səhmdar Cəmiyyətinin sədri Cavid Qurbanov jurnalistlərə deyib.
Onun sözlərinə görə, Bakı sərnişin vağzalında və sumqayıta gedən dairəvi yolda təmir işləri gedir: "Yeni platformalar tikilir və turniketlər qurulur. İşlər nəzərdə tutulduğu vaxtda yekunlaşsa iki mərtəbəli qatarlar gətiriləcək. Olmasa digər qatarlar gələcək, hansı ki içərisində kondisioner, wifi, sanitar qovşağı olacaq".
O qeyd edib ki, Avropa Oyunlarına hazırlıq çərçivəsində görüləcək işlər sırasında Koroğlu metro stansiyası arasında qatarların xəttə buraxılması da gözlənilir.
