İki gündür yoxa çıxan, STV-də yayımlanan “Kiçik gəlin” serialının baş rol ifaçısı Orxan Şimşək tapılıb.
Axşam.az-ın “Hürriyət”ə istinadən məlumatına görə, aktyorun mətbuat katibi bununla bağlı açıqlama verib: “Aktyor Orxan Şimşək bu gün evinə qayıdıb. Səhhətində problem yoxdur. Lazımi açıqlamanı sonra özü edəcək”.
Qeyd edək ki, sonuncu dəfə atası ilə birlikdə getdiyi Yalovada yoxa çıxan aktyordan yanında mobil telefonu olmadığı üçün xəbər tutulmurdu. Oğlunun psixoloji probleminin olduğunu deyən anası Müyəssər Şimşək onun üç aydır dərmanlarını istifadə etmədiyini və epileptik tutmalarının keçirdiyini demişdi.
