Ancelina Coli məşhur biznesmenə ərə gedir

Ancelina Coli məşhur biznesmenə ərə gedir
15:27 22 İyul 2019
Ölkə mətbuatı
A- A+

Dünya şöhrətli aktrisa Ancelina Coli ilə Bred Pitt rəsmi olaraq boşanma prosesində olmasına baxmayaraq, hər ikisi öz həyatını yaşamağa davam edir.

Milli.Az publika.az-a istinadən xəbər verir ki, Ancelina Colinin britaniyalı gizli sevgilisi ilə evlənməyə hazırlaşdığı iddia edilir. "In Touch и Celebrity Insider" informasiya agentliyinin yaydığı məlumata görə, Ancelina Coli boşanma prosesini tezləşdirmək üçün əlindən gələni edir, çünki yeni sevgilisi ilə nikah bağlamağa tələsir.

Xarici KİV-in məlumatlarına görə, aktrisa və iş adamı övladlığa uşaq götürəcək. Mənbələrin məlumatına görə, aktrisa daha bir uşaq övladlığa götürmək istəyib, ancaq Bred Pitt həmişə buna qarşı çıxıb. Onların münasibətlərinin korlanmasının əsas səbəblərindən biri də məhz bu olub. Yeni sevgilisi isə aktrisanın bu arzusunu dəstəkləyir.

Məlum olub ki, Ancelina Coli ilə sevgilisi münasibətlərini hər kəsdən gizli saxlayır, odur ki, heç vaxt ictimai yerlərdən görüşmürlər. Ancelina Bredlə rəsmi şəkildə boşandıqdan sonra yeni münasibətlərini ictimailəşdirmək istəyir.

Qeyd edək ki, 2016-cı ildə ayrılmağa qərar verən ulduz cütlüyün bioloji övladları Şaylo, Viviyen və Noks, övladlıqları Zahara, Paks Ten və Maddoks hələlik analarının himayəsində yaşayır. Lakin onun keçmiş əri ortaq bir qərara gəlməkdə israr edir.

Milli.Az


Xəbərin orijinal ünvanı: https://news.milli.az/interest/772705.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR