EYOF: Macarıstanın qadın basketbolçuları polşalı rəqiblərini böyük hesabla məğlub etdi

EYOF: Macarıstanın qadın basketbolçuları polşalı rəqiblərini böyük hesabla məğlub etdi
17:29 22 İyul 2019
93 İdman
Ölkə mətbuatı
A- A+

Bakı. Trend:

İyulun 22-də “EYOF Bakı 2019” XV Avropa Gənclər Olimpiya Festivalının basketbol yarışlarının birinci günündə ilk görüşlərə yekun vurulub.

Trend-in məlumatına görə, festivalın basketbol yarışlarında qadınlar və kişilər mübarizə aparırlar. Festivalda kişi basketbolçuların yarışı “Sərhədçi” İdman Olimpiya Mərkəzində, qadın idmançıların yarışı isə Avropa Azərbaycan Məktəbində keçirilir. Yarışların açılış matçında Yunanıstan və Litva (kişilər), paralel keçən digər görüşdə isə MacarıstanPolşa (qadınlar) komandaları qarşılaşıblar.

Yunanıstan və Litva komandalarının görüşü gərgin idman mübarizəsi şəraitində keçib. Qarşılaşmada 77:71 hesabı ilə qalib gələn litvalılar festivala qələbə ilə start veriblər. Digər oyunda isə Macarıstanın qadın basketbolçuları polşalı rəqiblərini böyük fərqlə - 95:50 hesabı ilə ağır məğlubiyyətə uğradıblar.

Qeyd edək ki, həm qadınların, həm də kişilərin mübarizəsində səkkiz komanda iki qrupda yarışır. Kişilərin yarışında A qrupunda Azərbaycan, Xorvatiya, Fransa, Serbiya, B qrupunda İspaniya, Yunanıstan, Türkiyə və Litva yığmaları mübarizə aparırlar. Qadınların mübarizəsində isə Belçika, Fransa, İtaliya, Rusiya milliləri A qrupunda, Çexiya, Macarıstan, Polşa və Türkiyə seçmələri isə B qrupunda yer alıblar. Qruplarda ilk iki yeri tutan komandalar pley-off mərhələsinə vəsiqə qazanacaqlar.

Yarışlara iyulun 27-də yekun vurulacaq.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3094178.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR