Dietoloqlar ən faydalı səhər yeməyinin adını açıqladılar

Dietoloqlar ən faydalı səhər yeməyinin adını açıqladılar
16:42 4 Avqust 2019
Ölkə mətbuatı
A- A+

Rusiyada "Sağlam Qidalanma" Milli Araşdırma Mərkəzinin  nümayəndələri  orqanizmə maksimum faydalı olan səhər yeməklərinin siyahısını təqdim ediblər.

Milli.Az faktxeber.com-a istinadən bildirir ki, elm adamlarının fikrincə səhər yeməyi üçün ən faydalı qida yulaf əzməsidir. Onların sözlərinə görə bu məhsulun sıyığı beta qlükenlə zəngindir. Bu isə immun sisteminin işini gücləndirir, dəriyə parlaqlıq verir və gəncləşdirici effekt yaradır.

Elm adamları yulaf əzməsindən maksimum fayda əldə etmək üçün onu suda şəkərsiz halda bişirməyi tövsiyə edirlər. Həmçinin minimum mexaniki işlənməyə məruz qalmış məhsul alınmalıdır.

Bundan başqa qarabaşaq və düyü də vitamin mənbəyi hesab edilir.

Meyvələr ən faydalı səhər yeməyi siyahısında ikinci yerdədir. Bu məhsullar orqanizmi  lif, maqnezium, kalium və vitaminlərlə təmin edir. Giləmeyvələr  maddələr mübadiləsini normallaşdırır, bu isə artıq çəkidən qurtulmağa imkan verir. Lakin mütəxəssislər yemiş və bananı  səhər yeməyindən çıxarmağı tövsiyə edirlər. Bunun yerinə alma və armud istifadə etmək məsləhət görülür.

Züllallı səhər yeməyi də orqanizmə çox faydalıdır. Toyuq yumurtası, balıq, mərci və paxlalırlar  orqanizmi maksimum şəkildə enerji ilə təmin edir. Bu məhsullar  orqanizmdə əzələləri möhkəmlədir və mübadilə fuknksiyasını yaxşılaşdırır.

Dietoloqlar onu da vurğulayıblar ki, hər şeydə olduğu kimi bu məhsulların da istifadəsində norma gözlənilməlidir, yoxsa səhhətə zərər vura bilər.

Milli.Az


Xəbərin orijinal ünvanı: https://news.milli.az/interest/775413.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR