Atambayev dövlət çevrilişində günahlandırılır - Ömürlük həbs oluna bilər

Atambayev dövlət çevrilişində günahlandırılır - Ömürlük həbs oluna bilər
14:42 13 Avqust 2019
62 Dünya
Ölkə mətbuatı
A- A+

Qırğızıstanın sabiq prezidenti Almazbek Atambayev dövlət çevrilişində günahlandırılır.

Milli.Az AZƏRTAC-a istinadən bildirir ki, bu barədə Qırğızıstan Dövlət Təhlükəsizliyi Komitəsinin sədri Orazbek Otumbaev Bişkekdə keçirdiyi mətbuat konfransında məlumat verib.

O deyib ki, sabiq prezident və onun tərəfdarları dövlət qüvvələrinə silahlı müqavimət göstərib və hətta Almazbek Atambayev öldürmək məqsədilə xüsusi təyinatlılara 6 dəfə odlu silahdan atəş açıb. Eks-prezident tutulduqdan sonra onun iqamətgahında çoxlu silah və sursat - müxtəlif tipli avtomatlar, snayper silahları, tapança aşkar olunub. İqamətgahın üçüncü mərtəbəsi müdafiə üçün hərbi bunker rolunu oynayıb.

Qırğızıstan Baş Prokurorluğunun idarə rəisi Zamir Beyşekeev isə jurnalistlərə bildirib ki, Almazbek Atambayev xüsusi ağır cinayətlərdə, o cümlədən adam öldürmə maddəsi ilə günahlandırılır və ömürlük həbs cəzasına məhkum edilə bilər.

Almazbek Atambayev, həmçinin korrupsiya, "qanuni oğru" Əziz Butukaevin qanunsuz azadlığa buraxılması, vəzifədən sui-istifadə, torpaq sahəsini qanunsuz əldə etmək və digər maddələrlə ittiham olunur.

Xatırladaq ki, Almazbek Atambayev avqustun 8-i axşam hökumət qüvvələrinə təslim olub və avqustun 26-dək Dövlət Təhlükəsizliyi Komitəsinin istintaq təcridxanasında saxlanılması ilə bağlı qərar qəbul edilib.

Milli.Az


Xəbərin orijinal ünvanı: https://news.milli.az/world/777899.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR