Gürcüstanın Azərbaycana borcu açıqlandı

Gürcüstanın Azərbaycana borcu açıqlandı
05:38 16 Avqust 2019
Ölkə mətbuatı
A- A+

Cari ilin iyul ayında Gürcüstanın xarici borcunda azalma müşahidə olunub.

Publika.az xəbər verir ki, bu barədə Gürcüstanın Maliyyə Nazirliyinin aylıq hesabatında qeyd edilib.

Məlumatda deyilir ki, iyul ayının sonuna Gürcüstanın ümumi xarici dövlət borcu 5 milyard 361 milyon 209 min dollar olub. Bu, əvvəlki ayın sonuna nisbətən 76 milyon 831 min dollar azdır. Xarici borcun 5 milyard 154 milyon 896 min dolları hökumətin payına düşüb.

Bu ilin iyul ayında Gürcüstanın Azərbaycana borcu dəyişməyib. Avqustun 1-nə qonşu ölkənin Azərbaycana borcu 7 milyon 269 min ABŞ dolları təşkil edib

Gürcüstanın ən çox borcu olduğu ölkələrin ilk üçlüyündə Almaniya (312 milyon 859 min dollar), Fransa (234 milyon 33 min dollar) və Yaponiya (215 milyon 789 min dollar) yer alıb.

Gürcüstanın TürkiyəRusiyaya olan borcu aylıq müqayisədə dəyişməyib.

Avqustun 1-nə Gürcüstanın Türkiyəyə borcu 13 milyon 98 min dollar, Rusiyaya borcu 56 milyon 478 min dollar olub.


Xəbərin orijinal ünvanı: https://publika.az/news/gundem/287577.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR