Sloveniya yığması Bakıya gəlib

12:17 12 May 2015
33 İdman
Ölkə mətbuatı
A- A+

[ 12 May 2015 13:11 ]


Bakı – APA. Qadın voleybolçulardan ibarət Sloveniya millisi ölkəmizə gəlib. Apasport.az saytının məlumatına görə, balkanlılar paytaxtımıza Azərbaycan Voleybol Federasiyasının dəvəti ilə təşrif buyurub.

 

Bu, yığmamızın Avropa çempionatının pley-off mərhələsi çərçivəsində Slovakiya və Avropa Oyunlarına hazırlığa hesablanıb. Türkiyədə təlim-məşq toplanışı çərçivəsində İsveçrənin “Volero” klubu, ardınca Bakıda Belarus millisi ilə sınaq oyunları keçirən Faiq Qarayevin yetirmələri Sloveniya ilə də yoxlama matçlarında qüvvələrini sınayacaqlar. 

 

Komandalar arasında ilk görüş sabah olacaq. Növbəti görüşlərin isə mayın 14-də və 16-da baş tutması planlaşdırılır. Qonaqlar mayın 17-də Bakıdan ayrılacaqlar. Sloveniyalılar Avropa çempionatının pley-off mərhələsində Fransa ilə oyun üçün burada birbaşa həmin ölkəyə yollanacaqlar.

 

Qeyd edək ki, Azərbaycan Slovakiya ilə ilk matçını mayın 23-də Bakıda keçirəcək. 


Xəbərin orijinal ünvanı: http://az.apa.az/news/383157

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR