Bakı – APA. Əfsanəvi boksçu Məhəmməd Əli yenidən xəstəxanaya yerləşdirilib.
APA-nın “Associated Press”ə istinadən verdiyi məlumata görə, M. Əli sidik yolları infeksiyası ilə bağlı müalicəni davam etdirəcək.
Buna baxmayaraq əfsanəvi boksçu öz doğum gününü evində qeyd etməyi düşünür. Yanvarın 17-də M. Əlinin 73 yaşı tamam olacaq.
Xatırladaq ki, M. Əli ötən ilin dekabrın 21-də sətəlcəm (ağ ciyər iltihabı) diaqnozu ilə xəstəxanaya yerləşdirilib. Lakin sonradan həkimlər onda sidik yolları infeksiyasını aşkar ediblər.