Gəncə, 12 may, AZƏRTAC
Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi və Sahibkar Qadınlar İctimai Birliyinin təşkilatçılığı ilə Gəncədə “Region qadınlarının sahibkarlıq biliklərinin artırılması” adlı layihənin icrasına başlanılıb.
Sahibkar Qadınlar İctimai Birliyinin sədri Zemfira Ağayeva AZƏRTAC-a deyib ki, layihənin həyata keçirilməsində əsas məqsəd qadın sahibkarlığının bölgədə inkişafını təmin etmək, onları bu sahədə maarifləndirmək, iqtisadi biliklərini artırmaq, marketinq və idarəçilik fəaliyyətlərini gücləndirməkdir.