Mobil mesajlaşma proqramı WhatsApp istifadəçiləri üçün yeni funksiya hazırlayır.
ANS PRESS-in məlumatına görə, WhatsApp rəhbərliyi proqramda video zəngləri reallaşdırmağı planlaşdırır. Buna sübut kimi proqramın daxili kodu əsas göstərilir.
"iPhone" üçün nəzərdə tutulan proqramın son yenilənməsində istifadəçilər Skype vasitəsilə videozənglər funksiyasını istifadə edəcəklər. "Call via Skype" funksiyası vasitəsi ilə proqramdan görüntülü danışıq mümkün olacaq.
Qeyd edək ki, WhatsApp-ın aktiv istifadəçilərinin sayı sürətlə artsada, bu hal ABŞ-da müşahidə edilmir. Məhz bu səbəbdən şirkət bu cür yeniliklər edərək proqramın əhatə dairəsini genişləndirmək istəyir.