Gürcüstanın yeni müdafiə və daxili işlər nazirləri əsas prioritetlərini açıqlayıblar

Gürcüstanın yeni müdafiə və daxili işlər nazirləri əsas prioritetlərini açıqlayıblar
18:17 8 Sentyabr 2019
54 Digər
Ölkə mətbuatı
A- A+

Gürcüstanın yeni müdafiə naziri İrakli Qaribaşvili əsas prioritetlərini açıqlayıb.
“Report”un Gürcüstan bürosu xəbər verir ki, o, ölkənin müdafiə qüvvələrinin daha da güclənməsi üçün çalışacağını bildirib.
Nazir deyib ki, müdafiə qüvvələrinin vahid orqanizm və bir ailə olması üçün əlindən gələni əsirgəməyəcək.
İ.Qaribaşvilinin sözlərinə görə, müdafiə sahəsində həyata keçirilməsi nəzərdə tutulan islahatlar yaxın gələcəkdə ictimaiyyətə təqdim olunacaq.
Nazir qeyd edib ki, əsas fəaliyyət istiqamətlərindən biri müdafiə sənayesini yeni inkişaf mərhələsinə çatdırmaq olacaq.
Yeni daxili işlər naziri Vaxtanq Qomelauri öz növbəsində bildirib ki, insanların və deputatların etimadını doğrultmağa çalışacaq. O, Daxili İşlər Nazirliyində böyük kadr dəyişikliklərinin planlaşdırılmadığını bildirib. V.Qomelauri qurumda kiçik dəyişikliklərin olacağını istisna etməyib.


Xəbərin orijinal ünvanı: https://report.az/region/gurcustanin-yeni-nazirleri-esas-prioritetleri-aciqlayiblar

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR