ABŞ-ın Kabildəki səfirliyi yaxınlığında partlayış olub

ABŞ-ın Kabildəki səfirliyi yaxınlığında partlayış olub
08:42 11 Sentyabr 2019
70 Dünya
Ölkə mətbuatı
A- A+

ABŞ-ın Əfqanıstanın paytaxtı Kabildəki səfirliyi yaxınlığında güclü partlayış baş verib.

Trend-in "RİA Novosti"yə istinadən verdiyi məlumata görə, partlayışdan sonra siqnalizasiya işə düşüb. Siqnalizasiyanın səsi yaxınlıqdakı rayonlardan da eşidilib.

Məlumata əsasən, hələki ölənlər və yaralananlar barədə xəbər yoxdur, lakin insident nəticəsində qurbanlar ola bilər.

Xatırladaq ki, bu gün "Əl-Qaidə" terror təşkilatı tərəfindən 2001-ci il sentyabr ayının 11-də ABŞ-ın Nyu-York və Vaşinqton şəhərlərindəki hədəflərə qarşı həyata keçirdiyi silsilə terror aktlarından 18 il ötür.

Terrorçuların qaçırdığı sərnişin təyyarəsi Nyu-Yorkda yerləşən Dünya Ticarət Mərkəzinin Şimal qülləsinə çırpıldı. 09:03 radələrində isə Cənub qülləsi bənzər hücuma məruz qaldı. Binaların aşmasına səbəb baş vermiş güclü yanğınlar idi. Sonuncu hücumdan 40 dəqiqə sonra ABŞ Müdafiə Nazirliyi - Pentaqonun binası da intiharçıların idarə etdikləri təyyarə tərəfindən vuruldu. Bu hücumdan 25 dəqiqə keçdikdən sonra eyni məqsədlə qaçırılan bir sərnişin təyyarəsinin hava hücumundan müdafiə qüvvələri tərəfindən vurularaq zərərsizləşdirildiyi açıqlandı. Həmin təyyarənin hədəfinin Ağ Ev olduğu bildirildi.

Milli.Az


Xəbərin orijinal ünvanı: https://news.milli.az/world/785077.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR