Bakı, 16 yanvar, AzərTAc
Birləşmiş Ərəb Əmirliklərinin Dubay şəhərində təlim-məşq toplanışında olan çimərlik futbolu üzrə Azərbaycan milli komandası yoldaşlıq oyunu keçirib.
AFFA-dan AzərTAc-a bildiriblər ki, millimiz Macarıstan yığması ilə qarşılaşıb. Qarşılaşma 5:2 hesabı ilə komandamızın xeyrinə yekunlaşıb.
Macarıstan yığmasının qapısından topları Elvin Quliyev, Sabir Allahquliyev, Orxan Məmmədov, Zeynal Zeynalov və Renat Sultanov keçiriblər.