Aliyə Qarayeva: Azərbaycanda olan şərait başqa heç yerdə yoxdur

Aliyə Qarayeva: Azərbaycanda olan şərait başqa heç yerdə yoxdur
17:29 19 Sentyabr 2019
86 İdman
Ölkə mətbuatı
A- A+

Bakı. Cani Babayeva - Trend:

Azərbaycan gimnastı, dəfələrlə dünya və Avropa çempionatlarının mükafatçısı Aliyə Qarayeva Bakıda davam edən bədii gimnastika üzrə 37-ci dünya çempionatını qonaq qismində izləyir.

Trend-in məlumatına görə, A.Qarayeva Azərbaycan millisinin uğurlarını daha yaxından izləyir.

Gimnast Bakıda yarışın yüksək səviyyədə təşkil olunduğunu deyib:

“Milli Gimnastika Arenasının zalı əladır. Mən Avropada işləmişəm və deyə bilərəm ki, Azərbaycanda olan şərait başqa heç yerdə yoxdur. Mən Azərbaycan millisinin uğurlarını izləyirəm, sadəcə həmişə yarışı əvvəldən axıradək izləmək mümkün olmur”.

A.Qarayeva bildirib ki, hazırda məşqçilik fəaliyyəti ilə məşğuldur:

“Mən indi Almaniyanın regionlarının birinin yığma komandası ilə işləyirəm. Fikrimcə, yetirmələri xalçaya çıxarmaq, özünün çıxmağından daha çətindir”.

Dünya çempionatında ilk dəfə çıxış edən Y.Luzan həyəcanın öhdəsindən gələ bilməsi üçün tamaşaçıların dəstəyini vurğulayıb:

“Tamaşaçılar yarışa köklənməyə kömək edir. Bu gün həyəcanlanırdım və kiçik səhvlərə yol verdim. Bu gün Azərbaycanı təmsil etdiyimiə görə xalçaya qürur hissi ilə çıxdım”.

Komandanın lideri Zöhrə Ağamirova hesab edir ki, bu gün əvvəlki günlərə nisbətən daha uğurlu çıxış edib:

“Ümid edirəm ki, mənim 24-lüyə düşmək üçün xalım çatacaq. Hər üçümüz - mən, Yelizaveta və Veronika həyəcanlanırdıq və bir-birimizi dəstəkləməyə çalışırdıq”.

Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.

61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Dünya çempionatı sentyabrın 22-dək davam edəcək.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3120968.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR