“CinemaPlus”da “Joker” filminin möhtəşəm təqdimatı baş tutdu (FOTO/VİDEO)

“CinemaPlus”da “Joker” filminin möhtəşəm təqdimatı baş tutdu (FOTO/VİDEO)
20:50 3 Oktyabr 2019
Ölkə mətbuatı
A- A+

Bakı. Trend:

“Gənclik Mall” TM-də yerləşən “CinemaPlus” premium kinoteatrında çoxdandır gözlənilən “Joker” filminin təqdimatı keçirilib.

Trend-in məlumatına görə, “CinemaPlus” komandasının iki aydan çoxdur hazırlaşdığı şou öz bəhrəsini verib.

Təqdimat zamanı Sehrli Güzgü, Spiner 360, filmlə bağlı maraqlı dekorasiyalar, ləzzətli yeməklər, içkilər və musiqilər qonaqları məmnun edib.

Qonaqlar səmimi ortamda əylənən zaman qəfil dörd gözlənilməyən qonaq peyda olub. Bunlar “Joker”in dörd fərqli obrazı idi. Onlar əvvəlcə qonaqları əsir götürsə də, daha sonra hər kəsnən dostlaşıblar.

Qeyd edək ki, filmin rejisoru və ssenaristi Todd Fillipsdir. Baş rollarda Xoakin Feniks, Zazi Bitz, Robert De Niro, Frensis Konroy, Brett Kallen və başqaları çəkilib.

“Joker”də bütün diqqətlər Xoakin Feniksın üzərindədir. Aktyor roluna hazırlaşmaq üçün möhtəşəm fiziki dəyişiklik etmək məcburiyyətində qalıb. O, xeyli çəki itirib. Bundan başqa, o, üç növ psixopat gülüşünü təqlid etməyi də öyrənib.

Ekran işində hadisələr 1980-ci ildə baş verir. Artur Flek Qothamda yaşayır və orada çalışır. Klounun ümidləri puç olur və o, məhv etməklə psixoloji rahatlıq axtarışındadır.

“CinemaPlus” hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/culture/3127946.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR