FİFA 2014-ci ildə klubların transferə nə qədər pul xərclədiyini açıqlayıb.
ANS PRESS-in məlumatına görə, FİFA rəsmisi Mark Goddard 2014-cü ildə futbol klublarının transfer üçün 3,47 milyard avro sərf etdiyini deyib.
O bildirib ki, İngiltərədəki klublar 1,01 milyard avro ilə ötən ilin transfer çempionu olub. Goddard bir ölkədən digərinə edilən transferlər zamanı menecer və klub nümayəndələrinin 236 milyon dollar gəlir əldə etdiyini vurğulayıb.
Gənc oyunçuların xarici liqalarda oynaması məqsədiylə klublar FIFA-ya 1793 müraciət edib.
Goddard bildirib ki, "Barselona"nın ötən il "Liverpul"dan 81 milyon avroya heyətinə qatdığı Luis Suarez isə 2014-ci ilin ən bahalı oyunçusu olub.
