Bakı. Ləman Zeynalova - Trend:
Bu günədək Azərbaycanın dəniz yataqlarından 1,090 milyard ton neft hasil olunub.
Trend-in məlumatına görə, bunu SOCAR-ın yataqların işlənilməsi üzrə vitse-prezidenti Yaşar Lətifov Bakıda keçirilən Xəzər Texniki Konfransında deyib.
O bildirib ki, dəniz yataqlarından, həmçinin 713 milyard kubmetr qaz hasil olunub:
“Eyni zamanda qurudakı yataqlardan 0,979 milyard ton neft və 139 milyard kubmetr qaz hasil edilib”.
Vitse-prezident qeyd edib ki, hazırda dənizdə 28 neft-qaz yatağı kəşf edilib:
“Onlardan 19-u işlənmə mərhələsindədir. Quruda isə 53 yataq kəşf edilib”.
Trend-in ən mühüm və maraqlı xəbərlərini "Telegram"da izləyin
