Barselonadakı "El Klassiko"nun yeri dəyişdirilə bilər

Barselonadakı "El Klassiko"nun yeri dəyişdirilə bilər
21:57 16 Oktyabr 2019
176 İdman
Ölkə mətbuatı
A- A+

La Liqanın 10-cu turunda keçiriləcək "Barselona" -  "Real" oyununun yeri dəyişdirilə bilər.

Milli.Az Qol.az-a istinadən xəbər verir ki, La Liqa rəhbərliyi  "Nou Kamp"da keçiriləcək bu mövsümün ilk "El Klassiko"sunun Madriddə oynanılmasını istəyir. Buna səbəb Kataloniyada siyasi məsələlər səbəbindən baş verən etirazlardır. Buna görə  qurum İspaniya Futbol Federasiyasına  "El Klassiko"nun yerinin dəyişdirilməsi ilə bağlı müraciət edib.

Ancaq federasiya hələlik bu təklifə münasibət bildirməyib.

"Barselona" və "Real" isə görüşün yerinin dəyişdirilməsi təklifinə qarşıdır. Kataloniya təmsilisi hesab edir ki, ilk matç əvvəlcədən açıqlandığı kimi "Nou Kamp"da keçirilməldir. Madrid klubu isə təhlükəsizlik problemi olacağı təqdirdə, oyunun təxirə salınmasının tərəfdarıdır.

Bildirilir ki, məsələ ilə bağlı son qərarı La Liqa, İspaniya Futbol Federasiyası nümayəndəsi və müstəqil komitə üzvü Lukas Osorionun yer aldığı xüsusi komitə verəcək.

Qeyd edək ki, "Barselona" - "Real" görüşünün oktyabrın 26-ı keçiriləcəyi açıqlanıb.

Milli.Az 


Xəbərin orijinal ünvanı: https://news.milli.az/sport/794862.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR