“Neftçi”nin futbolçusu: “Həmişə vuruşmuşuq”

“Neftçi”nin futbolçusu: “Həmişə vuruşmuşuq”
20:37 20 Oktyabr 2019
75 Digər
Ölkə mətbuatı
A- A+

“Neftçi”nin futboluçusu Dario Frederiko Premyer Liqanın VIII turunda “Zirə”ni məğlub etdikləri (3:0) oyundan sonra brifinq keçirib.
“Report” xəbər verir ki, yarımmüdafiəçi öncə oyun haqqında fikirlərini bölüşüb.
- Ardıcıl üçüncü dəfə qələbə qazandıq, ikinci yerdəyik. Bununla kifayətlənməməli, üzərimizdə çalışmalıyıq. Çalışmaqla daha yaxşı nəticələr əldə ediləcək.
- “Neftçi” “qara zolaq”dan çıxıb?
- Məncə, ardıcıl üç qələbə ilə bu vəziyyətdən çıxa bildik.
-“Zirə” üzərində qələbə sizin üçün asan oldumu?
- İnanmıram ki, hansısa oyun “Neftçi” üçün asan olub. Çünki həmişə vuruşmuşuq, mübarizə aparmışıq. Qələbəmizi əzmkarlıqla qazanırıq. Asan oyun olmadı.
- “Qarabağ”a çatmaq mümkün olacaq?
- Sona qədər mübarizə aparacağıq. Hər oyun qələbə qazanmağa çalışacağıq. Rəqibimizin xal itirdiyi vaxt çalışacağıq ki büdrəməyək. Bununla daha da yaxınlaşmaq olar.
- Azarkeşlərlə aranız düzəlir? Çünki bu gün istefa şüarı səsləndirmirdilər.
- Hər futbolçu üçün sevincli haldır ki, onu meydanda azarkeşlər dəstəkləsin, qələbəyə ruhlandırsın. Biz hər oyun azarkeş dəstəyini hiss edirik. Əvvəllər başa düşmürdüm ki, onlar niyə tez-tez istefa şüarı səsləndirir. Sevindirici haldır ki, bizi dəstəkləməyə başladılar. Onlardan bunu hər oyun gözləyirik.
-“Qarabağ”ın xal itirməsinə sevinirsiniz?
-Əlbəttə, çempionluğa oynayan klub özündən öndə gedən komandanın xal itirməsini görən sevinir.

Xəbərin orijinal ünvanı: https://report.az/futbol/neftci-nin-futbolcusu-hemise-vurusmusuq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR