Futbol üzrə Azərbaycan Premyer Liqasında VIII turun son oyunu keçirilib.
"Report"un məlumatına görə, "ASCO Arena"da "Səbail" "Sumqayıt"ı qəbul edib. Görüş qonaqların qələbəsi ilə yekunlaşıb - 2:0. Yeganə topu 47-ci dəqiqədə Mehdi Şərifi vurub.
Bununla da Şərifi aktivindəki qolların sayını 4-ə çatdıraraq, bombardirlər siyahısında Lorenzo Frutos ("Keşlə"), İsmayıl İbrahimli ("Qarabağ") və Stiven Monroz ("Neftçi") ilə şərikli lider olub.
Uzatma dəqiqələrində isə Elvin Cəfərquliyev yekun nöqtəni qoyub.
"Sumqayıt" bu qələbə sayəsində xallarını 10-a çatdırıb və "Zirə"ni geridə qoyaraq 5-ci pilləyə yüksəlib. "Gənclik şəhəri" təmsilçisi eyni xala malik "Səbail"dən yalnız şəxsi göstəricilərdə geri qalır.
Qeyd edək ki, turun ilk 3 oyununda "Qəbələ" "Qarabağ"la, "Keşlə" "Sabah"la heç-heçə edibsə, "Neftçi" "Zirə"yə böyük hesabla qalib gəlib - 3:0.