Peşəkar 3D printerlər bazarının həcmi ikirəqəmli templə artır

Peşəkar 3D printerlər bazarının həcmi ikirəqəmli templə artır
14:35 21 Oktyabr 2019
Ölkə mətbuatı
A- A+

“Context” analitik şirkəti qlobal 3D printerlər bazarı ilə əlaqədar keçirilmiş araşdırmanın nəticələrini dərc edib. 2019-cu ilin birinci yarısında istehlak qurğularının tədarükü 2018-ci ilin müvafiq dövrü ilə eyni səviyyədə qalıb, sənaye, dizayner və peşəkar avadanlıq seqmentlərində isə müvafiq olaraq 14%, 13% və 15%-lik artım qeydə alınıb.

 

“ICTnews” Elektron Xəbər Xidməti “dailycomm.ru” saytına istinadən yazır ki, istehlak məhsullarına qiyməti 2500 dollaradək olan modellər aiddir. “Context”in məlumatına görə, bu seqment 6 rüb ardıcıl azalır. Məsələn, 2019-cu ilin aprel-iyun aylarında azalma 10% səviyyəsində olub. Bu səbəbdən istehsalçılar biznes həllərinə üstünlük verməyə başlayıblar.

 

Son 1 ildə 2500-20000 dollar qiymət diapazonunda olan 3D printerlərin tədarük həcmi say baxımından 8%, pul baxımından isə 37% artıb.

 

2019-cu ilin ikinci rübündə qiyməti 100 min dollardan yuxarı olan avadanlığın istehsalı 2018-ci ilin müvafiq dövrü ilə müqayisədə 4% artıb.

 

“Technavio Research” tədqiqat şirkətinin proqnozuna əsasən, qlobal 3D-printer bazarının həcmi 37% artaraq 2022-ci ildə 7 milyard dolları ötəcək.

 

Emil Hüseynov


Xəbərin orijinal ünvanı: http://ictnews.az/read-63588-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR