Bakı. Trend:
Xəbər verdiyimiz kimi, özünü Demokratik Qüvvələrin Milli Şurası adlandıran qurumun üzvləri oktyabrın 19-u saat 15:00-dan başlayaraq ümumi sayı təxminən 220 nəfərədək olan bir neçə qrupla müxtəlif istiqamətlərdən Bakı metrosunun "28 May" stansiyasının önündəki meydana daxil olmağa cəhd göstərib.
Trend-in məlumatına görə, Azərbaycan hüquq-mühafizə orqanlarının gördüyü operativ tədbrlərlə hüquqazidd hərəkətlərin genişlənməsinin qarşısı alınıb.
Lakin aksiyadan sonra Milli Şura adlandıran qurumun üzvləri və məhdud AXCP tərəfdararı Azərbaycanın polis əməkdaşlarına qarşı qarayaxma kampaniyası aparır və onları aksiyada şiddət tətbiq etməkdə ittiham edirlər. Halbuki, Azərbaycan polisi qanunvericilik çərçivəsində öz üzərinə düşən öhdəlikləri yerinə yetirib.
Aşağıda təqdim olunan fotolar Avropa ölkələrində mitinqçilərə qarşı polis tərəfindən tətbiq olunan şiddət nümunələridir. Gəlin görək, bunların hansı oktyabrın 19-da gözə dəyib?
Deməli, aksiyada polis zorakılığı barədə şüvən qoparanların məqsədi sadəcə ölkənin beynəlxalq nüfuzunu aşağı salmaqdır. Lakin özləri də yaxşı bilirlər ki, Azərbaycan polisi avropadakılardan daha etik və təmkinli davranıb. Bunu fotolar da sübut edir.
Avropa ölkələrində aksiyalar zamanı polisin necə davrandığını əks etdirən fotoları təqdim edirik:
Trend-in ən mühüm və maraqlı xəbərlərini "Telegram"da izləyin
