Boris Conson ilin sonuna qədər növbədənkənar parlament seçkiləri təklif edə bilər

Boris Conson ilin sonuna qədər növbədənkənar parlament seçkiləri təklif edə bilər
18:27 22 Oktyabr 2019
88 Digər
Ölkə mətbuatı
A- A+

Böyük Britaniyanın baş naziri Boris Conson parlamentin yenidən "Brexit"in təxirə salınmasını istəyəcəyi təqdirdə, ilin sonuna qədər növbədənkənar seçkilərin keçirilməsini təklif edəcək.
"Report" TASS-a istinadən xəbər verir ki, bu barədə BBC baş nazirin ofisindəki mənbəyə istinadən məlumat yayıb.
Hazırda B.Conson "Brexit" üzrə qanun layihəsinin bu gün parlamentdə səsverməyə çıxarılacağına və ölkənin oktyabrın 31-də Avropa İttifaqından (Aİ) çıxa biləcəyinə ümid edir.
Qeyd edək ki, bir neçə həftə davam edən intensiv və çətin danışıqlardan sonra Aİ və Böyük Britaniya oktyabrın 17-də "Brexit" şərtlərinə dair yenilənmiş saziş barədə razılığa gəlib, ardından Aİ-də qalan 27 ölkənin başçısı sammitdə onu təsdiq edib və indi sazişi Britaniya parlamenti təsdiqləməlidir.
Lakin Britaniyada oktybarın 19-da keçirilmiş səsvermə bir nəticə verməyib.
Sazişin əvvəlki variantı Britaniya deputatları tərəfindən üç dəfə rədd edilib, bununla əlaqədar ölkənin İttifaqdan çıxması üçün son tarix bu il martın 29-dan oktyabrın 31-dək təxirə salınıb. İndi Britaniya yeni - yanvarın sonuna qədər ertələnmə istəyir.

Xəbərin orijinal ünvanı: https://report.az/diger-olkeler/boris-conson-novbedenkenar-parlament-seckileri-teklif-ede-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR