Ötən gün Yeni Ramana yolunda baş verən avtomobil qəzası nəticəsində 3 saylı Bakı Şəhər Klinik Xəstəxanasına müxtəlif dərəcəli bədən xəsarətləri ilə 9 nəfər gətirilib.
Səhiyyə Nazirliyindən Publika.az-a verilən məlumata görə, yaralılara lazımi tibbi yardım göstərilib: "Səhər saat 09:00 üçün xəstəxanadan verilən məlumata görə, lazımı tibbi yardım göstərildikdən sonra bütün xəstələr ambulator müalicəyə buraxılıblar".
Qeyd edək ki, hadisə oktyabrın 31-də Sabunçu rayonu, Ramana yolunda baş verib. 49 və 106 saylı sərnişin avtobusları Bakı Sənaye-Pedaqoji Kollecinin qarşısında toqquşub.
