"Formula 1"də yeniliklər: Xərclərə limit qoyulur, sürət azaldılır, mərhələ sayı artırılır

"Formula 1"də yeniliklər: Xərclərə limit qoyulur, sürət azaldılır, mərhələ sayı artırılır
11:02 1 Noyabr 2019
82 Digər
Ölkə mətbuatı
A- A+

Beynəlxalq Avtomobil Federasiyasının (FIA) avtomobil idmanı üzrə Ümumdünya Şurası "Formula 1"in yeni texniki və idman qaydalarını təsdiqləyib.
"Report" qurumun rəsmi saytına istinadən xəbər verir ki, 2021-ci ildən tətbiq olunacaq yeni reqlamentə bir sıra ciddi dəyişikliklər yer alıb. Fərqli bir fəlsəfəyə uyğun qurulacaq boldilər indikindən 3-3,5 saniyə daha yavaş olacaq. Aerodinamika ilə bağlı tənzimləmə ciddi şəkildə dəyişəcək. Bu da digər avtomobillərdən geri qalan hava axınında qüvvə itirməməyə imkan verəcəkdir. Avtomobillərdə 18 düymlük təkərlərdə LED göstəriciləri olan təkərlər olacaq. Həmçinin maşınların gövdəsində LED tablolar da quraşdırılacaq.
"Formula 1"də ilk dəfə hər komanda üçün 175 milyon dollar səviyyəsində xərc limiti tətbiq olunacaq. Bu məbləğə marketinq sərfiyyatı, eləcə də pilotlar və 3 aparıcı işçinin maaşları istisna olmaqla, bütün xərclər daxildir.
İdman və texniki qaydalar ciddi şəkildə dəyişəcəkdir. Komandalar yarış həftəsonu ərzində avtomobilləri dəyişdirə bilməyəcəklər. Mövsüm boyunca aerodinamikaya edilən yeniləmələrin sayı azaldılacaq. Standart komponentlərin və hissələrin sayı artacaq. Bəzi komponentlər üçün əvəzlənmə sayına isə məhdudiyyət qoyulacaq.
Yarış həftə sonu formatında kiçik, lakin əhəmiyyətli dəyişikliklər olacaq. Azarkeşlərin təəssüratlarını yaxşılaşdırmaq və komandaların işini asanlaşdırmaq üçün təqvim bir qədər sıx qurulacaq. Cümə axşamı keçirilən mətbuat konfransı bir gün sonraya çəkiləcək.
Komandalar il ərzində ikidən az olmayaraq başa çatan Qran-prilərdə pilotlar üçün iki məşq yürüşü təşkil etməlidirlər. Bu da gələcək nəsillərə özünü təsdiqləmək şansı verəcəkdir.
2021-c ildə mərhələlərin sayının 25-ə çatdırılması planlaşdırılır. 2020-ci il mövsümüdə Qran-pri sayı 22 olacaq.
Qeyd edək ki, 2019-cu il mövsümünün başa çatmasına 3 mərhələ qalmış hesabında 363 xal olan Hemilton ikinci sıradakı komanda yoldaşı Valtteri Bottası 74 xal qabaqlayır. Fettel isə 230 xalla 4-cü sıradadır.
Reqlamentə əsasən, yarışda ilk 10 yeri tutan pilotlara ardıcıllıqla 25, 18, 15, 12, 10, 8, 6, 4, 2 və 1 xal verilir. Ən tez dövrə vuran və yarışı “10-luq”da tamamlayan sürücü üçün isə əlavə 1 xal nəzərdə tutulub. Hemilton bu gün start götürəcək ABŞ Qran-prisində 6-cı dünya çempionluğunu erkən rəsmiləşdirə bilər.
“Formula 1” üzrə 2020-ci il Azərbaycan Qran-prisi 5 – 7 iyunda olacaq.

Xəbərin orijinal ünvanı: https://report.az/ferdi/formula-1-de-yenilikler-xerclere-limit-qoyulur-suret-azaldilir-merhele-sayi-artirilir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR