Premyer Liqanın 10-cu turunda "Neftçi" ilə matçda zədələnən "Qarabağ"ın hücumçusu Mahir Emrelinin əzələsində dartınma olduğu aşkarlanıb.
Milli.Az Sportal.az-a istinadən xəbər verir ki, 22 yaşlı futbolçunun təxminən iki həftə yaşıl meydanlardan uzaq qalacağı gözlənilir.
Mahir "Qarabağ"ın Avropa Liqasının qrup mərhələsinin 4-cü turunda Kiprdə APOEL-ə qarşı keçirəcəyi oyunda iştirak etməyəcək.
APOEL - "Qarabağ" oyunu noyabrın 7-si Bakı vaxtı ilə 21:55-də Nikosiyada yerləşən GSP stadionunda baş tutacaq.
Milli.Az
