Bakı-Tbilisi-Qars dəmir yolu getdikcə daha strateji xarakter kəsb edir - Nazirlik

Bakı-Tbilisi-Qars dəmir yolu getdikcə daha strateji xarakter kəsb edir - Nazirlik
11:05 6 Noyabr 2019
Ölkə mətbuatı
A- A+

Bakı-Tbilisi-Qars (BTQ) dəmir yolu getdikcə daha strateji xarakter kəsb edir.

Milli.Az xəbər verir ki, bu barədə özəl olaraq Trend-ə Türkiyənin Nəqliyyat və İnfrastruktur Nazirliyindən bildiriblər.

Nazirlikdən qeyd ediblər ki, Bakı-Tbilisi-Qars dəmir yolu Marmara tuneli vasitəsilə Asiya və Avropanı birləşdirir ki, bunu bariz nümunəsi də bu gün Çindən gələn, BTQ vasitəsilə Avropaya hərəkət edən "China Railway Express" yük qatarıdır:

"Türkiyə və Azərbaycan Bakı-Tbilisi-Qars dəmir yolunu yaratmaqla Asiya və Avopanı birləşdirə bildi".

Qeyd edək ki, bu gün Ankarada Çindən Avropaya BTQ vasitəsilə hərəkət edən "China Railway Express" yük qatarının qarşılanması münasibətilə təntənəli mərasim keçiriləcək.

Xatırladaq ki, ötən ilin oktyabr ayında açılan Bakı-Tbilisi-Qars dəmir yolu marşrutu Azərbaycan-Gürcüstan-Türkiyə hökumətləri arasında əldə edilən razılaşma əsasında həyata keçirilib. İlkin mərhələdə illik yükdaşıma 6,5 milyon ton, sərnişin daşıma isə bir milyonadək insan səviyyəsində olacaq.

Bakı-Tbilisi-Qars Azərbaycan vasitəsi ilə Çindən Avropaya malların çatdırılmasının müddətini əhəmiyyətli dərəcədə qısaldır. Bu isə marşrutu xüsusilə cəlbedici edir.

Milli.Az


Xəbərin orijinal ünvanı: https://news.milli.az/economy/800099.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR