"Yeşilçam"ın 83 yaşlı ulduzu Gönül Yazarın özündən 32 yaş kiçik sevgilisi Rüzgar Mağden "2.Sayfa" proqramında qonaq olub.
Milli.Az qafqazinfo-ya istinadən xəbər verir ki, aktrisa ilə yaşadığı eşqdən danışan Rüzgar ona hələ uşaqlıqdan aşiq olduğunu deyib:
""Tacsız kral" filmini izləyərkən rəhmətli anama "Mən Gönül Yazarla evlənəcəm" dedim. O vaxt hələ orta məktəb şagirdi idim. O, həmişə mənim ağlımda olub. Partilərin birində Gönül Yazarı görəndə gedib əlini sıxdım. Gönül həmin vaxt mənə diqqət göstərmədi".
Rüzgar sevgilisi ilə bir-birlərini görməyəndə çox darıxdıqlarını bildirib:
"Bir-birimizdən ayrı qalanda qudururuq. Qısqancam. Gönülün səhifəsinə çox səviyyəsiz insanlar yazır. Onları əngəlləyirəm. İlk davamız da qısqanclıq üzündən olub. Başqalarının Gönülə baxmasından narahat oluram".
Milli.Az