Azərbaycan, Bakı, 16 yanvar /Trend, müxbir Məftun Salmanov/
Avropa İttifaqının (Aİ) ən iri yəhudi federasiyası müdafiə olunmaq üçün avropalı qanunvericiləri yəhudilərə silah daşımağa icazə verməyə çağırıb.
Trend-in xarici mətbuata istinadən verdiyi məlumata əsasən, bununla bağlı Aİ ölkələrinin daxili işlər nazirlərinə məktub göndərilib.
Məktubu Avropa Yəhudi Assosiasiyasının başçısı Menahem Marqolin yazıb. Məktubda son illər Avropada yəhudi icmasına qarşı çoxsaylı təhdidlərin qarşısının alınması üçün real hərəkətə keçməyin vacibliyi vurğulanır.
Həmçinin, yəhudi icmalarına öz silahlı mühafizəçilərini yaratmağa icazə vermək xahiş edilir. Üstəlik, onlara Avropanın güc strukturları təlim keçməlidir.
Məqalə müəllifi ilə əlaqə ünvanı: agency@trend.az
