Bu gün sosial şəbəkələrdə Azərbaycanda 8-ci sinif şagirdi olan qızın hamilə qaldığı üçün boğazının kəsilərək öldürülməsi haqda video yayılıb. Lakin bu hadisənin Azərbaycanda baş verməsi rəsmi qurumlar tərəfindən təsdiqlənmir.
İlkin məlumatda hadisənin Bakıda, sonra Şəmkir, ardınca isə Beyləqanda olduğu yazılıb.
Hüquq-mühafizə orqanları bu videonun montaj olması ehtimalını da gözdən keçirir. Texniklər güman edirlər ki, video başqa bir ölkədə çəkilib, sonradan səs qeydə alınaraq videonun üzərinə montaj olunub. Bu, sadəcə ehtimaldır və hadisənin Azərbaycanın hər hansı bir bölgəsində baş verməsi halı da hüquq-mühafizə orqanlarının yerli idarə rəisləri vasitəsilə araşdırılır.
Milli.Az
