Deputat: "Təqaüdçülərə ictimai nəqliyyatdan istifadə pulsuz olsun"

Deputat: "Təqaüdçülərə ictimai nəqliyyatdan istifadə pulsuz olsun"
16:52 13 Noyabr 2019
93 Digər
Ölkə mətbuatı
A- A+

“Təqaüdçülərə ictimai nəqliyyatdan pulsuz istifadə etmək barədə düşünmək olar. Gələn ilin büdcəsində müxtəlif növ kateqoriyalı insanlar üçün bir sıra sosial güzəştlər və imtiyazlar nəzərdə tutulub. Lakin yaşlı vətəndaşlar üçün demək olar ki, təqaüddən başqa əlavə gəlir yoxdur. Əgər biz gələn il təqaüdçülərə ictimai nəqliyyat növlərini pulsuz etsək, bu, yeni ildə onlar üçün ən yaxşı hədiyyə olardı”.
“Report” xəbər verir ki, bunu deputat Elmira Axundova parlamentin bugünkü plenar iclasında deyib.
Deputat ahıl yaşda olan insanlarla bağlı digər təklifini də səsləndirib:
“Təklif edirəm ki, 80 yaş və ondan yuxarı olan şəxslərə dərmanlar pulsuz verilsin, ya da onların təqaüdlərinə şərti olaraq “dərman pulu” dediyimiz məbləğ əlavə edilsin. Yenə də dünya təcrübəsinə əsaslanaraq bunu deyirəm. Misal olaraq, Almaniyada təqaüdçülər onlara səhhətləri üçün vacib olan bütün dərmanları pulsuz alırlar. Çox arzulayardıq ki, bu xoş və nəcib təcrübə Azərbaycanda da tətbiq olunsun. Çünki bizim inkişaf səviyyəmiz buna imkan verir”.


Xəbərin orijinal ünvanı: https://report.az/milli-meclis/deputat-teqaudculere-ictimai-neqliyyatdan-istifade-pulsuz-olsun

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR